انٹرٹینمنٹ
راکھی ساونت عمرہ کیلئے روانہ۔ سچ ہے یا فسانہ (ویڈیو وائرل)
متنازعہ اداکارہ راکھی ساونت کا ایک ویڈیو پیغام سوشل میڈیا پر وائرل ہورہا ہے جس میں ان کا کہنا ہے کہ وہ پہلی بار عمرہ کے لئے جا رہی ہیں۔
ممبئی: متنازعہ اداکارہ راکھی ساونت کا ایک ویڈیو پیغام سوشل میڈیا پر وائرل ہورہا ہے جس میں ان کا کہنا ہے کہ وہ پہلی بار عمرہ کے لئے جا رہی ہیں۔
رواں سال کے آغاز میں راکھی ساونت نے بزنس مین عادل خان دررانی کے ساتھ شادی کر لی تھی اور اسلام قبول کیا تھا۔ راکھی ساونت کی جہاز میں بیٹھے ایک ویڈیو سوشل میڈیا پر وائرل ہو رہی ہے جس میں انہیں باحجاب، ایک سلجھے ہوئے لباس میں دیکھا جا سکتا ہے۔
اداکارہ کا ویڈیو میں بتانا ہے کہ پہلی بار عمرے کے لئے جا رہی ہوں، وہ بہت خوش ہیں کہ ان کا بلاوا آیا ہے۔
راکھی ساونت کا اپنے ویڈیو پیغام میں کہا ہے کہ میں آپ سب کے لئے دعا کروں گی، آپ سب بھی مجھے اپنی دعاؤں میں یاد رکھئے گا۔
یاد رہے کہ راکھی ساونت آج کل اپنے سابق شوہر، عادل خان درانی کے ساتھ جھگڑے کے سبب مسلسل سرخیوں میں ہیں۔
ہمیں فالو کریں
