عرفان پٹھان نے بیٹے کے ساتھ عمرہ کی سعادت حاصل کرلی

جدہ: ہندوستانی ٹیم کے سابق اسٹار آل راونڈر عرفان پٹھان نے عمرے کی سعادت حاصل کرلی ہے۔

سابق کرکٹر نے اپنے سوشل میڈیا اکاؤنٹ ایکس پر تصویر شئیر کی جس میں انہیں اپنے بیٹے کے ساتھ مکہ مکرمہ کی صحن میں دیکھا جاسکتا ہے۔

انہوں نے تصویر کے کیپشن میں لکھاکہ ’میں نے اپنے بیٹے کے ساتھ عمرہ کی سعادت حاصل کرلی ہے‘۔

واضح رہے کہ عرفان پٹھان نے فاسٹ بولر کی حیثیت 12 دسمبر 2003 کو آسٹریلیا کے خلاف ٹسٹ میں ڈیبیو کیا جبکہ 9 جون 2004 کو آسٹریلیا کے ہی خلاف ایک روزہ کرکٹ کا آغاز کیا۔

عرفان پٹھان نے 24 ٹی ٹوئنٹی میچوں میں ہندوستان کی نمائندگی کی جہاں انہوں نے 28 وکٹیں اپنے نام کیں جبکہ ابتدائی ورلڈ ٹی ٹوئنٹی کی فاتح ہندوستان ٹیم کا بھی وہ حصہ تھے۔