برج بھوشن سنگھ کیس کی سماعت یکم جولائی تک ملتوی

نئی دہلی: بھارتیہ جنتا پارٹی (بی جے پی) کے رکن پارلیمنٹ اور سابق ریسلنگ فیڈریشن آف انڈیا (ڈبلیو ایف آئی) کے سابق صدر برج بھوشن شرن سنگھ کے خلاف دائر مبینہ جنسی ہراسانی کے معاملے کی سماعت منگل کو یکم جولائی تک ملتوی کر دی گئی۔

ایڈیشنل چیف میٹروپولیٹن مجسٹریٹ (اے سی ایم ایم) ہرجیت سنگھ جسپال نے ایم پی سنگھ کے خلاف دائر کی گئی لمبی چارج شیٹ کا جائزہ لینے کے بعد اس معاملے کی مزید سماعت یکم جولائی 2023 کو مقرر کر دی۔

عدالت نے الزامات لگانے والی متعدد خواتین پہلوانوں کی طرف سے عدالت کی نگرانی میں جانچ کی درخواست کی سماعت کے بعد اسے واپس لینے کی ہدایت کرتے ہوئے درخواست واپس لینے کے لئے کہا کہ اس معاملہ میں فردجرم پہلے ہی داخل کی جاچکی ہے۔

سی ایم ایم مہیما رائے سنگھ کی عدالت نے 22 جون کو سرکاری وکیل کے دلائل سننے کے بعد چارج شیٹ کو ایڈیشنل چیف میٹروپولیٹن مجسٹریٹ (اے سی ایم ایم) ہرجیت سنگھ جسپال کی عدالت میں 27 جون کو سماعت کے لیے منتقل کردی تھی۔

15 جون کو دہلی پولیس نے ملزم ایم پی سنگھ کے خلاف تعزیرات ہند (آئی پی سی) کی دفعہ 354، 354-A، 354-D اور 506 کے تحت عدالت میں چارج شیٹ داخل کی تھی۔