ویزاگ ایر پورٹ پر شدید کہر، 2پروازوں کا رخ موڑ دیا گیا

وشاکھا پٹنم: وشاکھا پٹنم ایر پورٹ کے اطراف آج صبح شدید کہر کی وجہ سے پروازوں کے آپریشنس میں خلل پڑا۔ بندرگاہی شہر کے ایر پورٹ پر کہرکی دبیز چادر کے سبب صاف دکھائی نہ دینے پر بنگلورو اور دہلی سے آنے والی دو فلائٹس کا رخ حیدرآباد کی طرف موڑ دیا گیا۔

 وشاکھا پٹنم سے دیگر مقامات روانہ ہونے والی پروازوں میں تاخیر ہوئی بنگلورو سے آنے والی اکاسا ایر فلائٹ اور دہلی سے آنے والی ایر ایشیاء کی پرواز کا رخ شمس آباد ایر پورٹ کی جانب سے موڑ دیا گیا۔ 10 بجے دن کے بعد صورتحال میں بہتری آئی ہے۔ جس کے بعد پروازوں کی آمد ورفت بحال ہوئی۔