شہر میں موسلادھار بارش، ہائڈرا کمشنر کا متاثرہ علاقوں کا دورہ (ویڈیوز)
پیر کے روز شہر میں موسلادھار بارش ہوئی، جو تقریباً ایک گھنٹے میں 7 سے 8 سینٹی میٹر تک ریکارڈ کی گئی۔ شدید بارش کے باعث سڑکیں اور نشیبی علاقے پانی میں ڈوب گئے۔ ہائڈرا کمشنر نے دو گھنٹے پہلے ہی موسمی صورتحال کا اندازہ لگا کر متعلقہ عہدیداروں اور عملہ کو الرٹ کر دیا تھا۔
حیدرآباد: پیر کے روز شہر میں موسلادھار بارش ہوئی، جو تقریباً ایک گھنٹے میں 7 سے 8 سینٹی میٹر تک ریکارڈ کی گئی۔ شدید بارش کے باعث سڑکیں اور نشیبی علاقے پانی میں ڈوب گئے۔ ہائڈرا کمشنر نے دو گھنٹے پہلے ہی موسمی صورتحال کا اندازہ لگا کر متعلقہ عہدیداروں اور عملہ کو الرٹ کر دیا تھا۔
پبلک شکایات کا جائزہ لیتے ہوئے جب بارش تیز ہوگئی تو کمشنر خود متاثرہ علاقوں کا دورہ کرنے نکل پڑے۔ انہوں نے لکڑی کا پل، خیرت آباد اور دیگر علاقوں کا معائنہ کیا۔ اس دوران فیلڈ میں موجود ڈی آر ایف عملے اور ایمرجنسی ٹیموں سے ملاقات کرتے ہوئے انہیں ہدایت دی کہ ممکنہ سیلابی خطرات سے بچاؤ کے لئے فوری اقدامات کریں۔
کئی مقامات پر درخت گرنے کی اطلاعات ملیں، جنہیں عملے نے فوری طور پر ہٹا کر آمد و رفت بحال کی۔ بعض جگہوں پر پانی میں پھنسے گاڑیوں کو محفوظ مقامات پر منتقل کر کے ٹریفک میں رکاوٹ پیدا ہونے سے بچایا گیا۔ جوبلی ہلز، جیڈی میٹلا، اپل سمیت تمام علاقوں میں جی ایچ ایم سی اور ٹریفک پولیس کے ساتھ تال میل کرتے ہوئے ٹریفک جام کی صورتحال سے بچاؤ کیا گیا۔
کمشنر نے عوام سے اپیل کی کہ اگر کسی مقام پر سیلاب کا خطرہ ہو تو ہائڈرا کنٹرول روم کے ہیلپ لائن نمبر 9000113667 پر چوبیس گھنٹے رابطہ کریں۔
