ممبئی میں موسلا دھار بارش کا امکان، یلو الرٹ جاری

ممبئی: ہندوستانی محکمہ موسمیات (آئی ایم ڈی) نے منگل کو ممبئی اور اس کے مضافاتی علاقوں کے لیے یلو انتباہ جاری کیا ہے، جس کے تحت آئندہ 24 گھنٹوں کے دوران گرج چمک کے ساتھ دراوسط سے شدید بارش اور تیز ہواؤں کا امکان ظاہر کیا گیا ہے۔

محکمے نے شہریوں کو محتاط رہنے کا مشورہ دیا ہے کیونکہ موسلا دھار بارش کے سبب روزمرہ کی زندگی اور پبلک ٹرانسپورٹ متاثر ہو سکتاہے۔

آئی ایم ڈی نے کہا ہے کہ ممبئی کے اوپر ہوا کی رفتار 40 سے 50 کلومیٹر فی گھنٹہ تک پہنچ سکتی ہے، اور اس کے ساتھ گرج چمک بھی متوقع ہے۔

مسلسل بارش کے سبب نشیبی علاقوں میں پانی جمع ہونے اور سڑکوں پر ٹریفک میں رکاوٹ کے امکانات بڑھ گئے ہیں، جیسا کہ گزشتہ دن بھی پیش آیا تھا۔

متعلقہ حکام نے لوگوں کو سمندر کے قریب جانے سے گریز کرنے کی ہدایت دی ہے، تاکہ اونچی لہروں اور تیز ہواؤں سے ممکنہ خطرات سے بچا جا سکے۔

گزشتہ روز شدید بارش کے باوجود منگل کو ممبئی میں صبح کے وقت سفر کرنے والوں کو کسی بڑی رکاوٹ کا سامنا نہیں کرنا پڑا۔ تمام مضافاتی ریلوے لائنوں پر مقامی ٹرینیں معمولی تاخیر کے ساتھ معمول کے مطابق چلتی رہیں۔

شہری علاقوں میں بھی کہیں سے کسی بڑے آبی جمع ہونے یا سڑک بند ہونے کی اطلاع نہیں ملی، جس سے ٹریفک بہاؤ معمول کے مطابق برقرار رہا۔