ہائی کورٹ کا فیصلہ: نابالغ کا حمل ساقط نہیں ہوگا، نیلوفر ہاسپٹل کو مسلسل طبی نگہداشت کی ہدایت

حیدرآباد (منصف نیوز بیورو) تلنگانہ ہائی کورٹ نے 28 ہفتہ کے حمل کو ساقط کرنے کی اجازت کے لیے دائر ایک درخواست کو مسترد کرتے ہوئے، عدالت العالیہ نے حیدرآباد کے نیلوفر ہسپتال کو ہدایت دی ہے کہ وہ ایک نابالغ حاملہ کو مسلسل طبی دیکھ بھال فراہم کرے اور اسے زچگی تک ڈسچارج نہ کرے۔

جسٹس ناگیش بھیماپاکا نے ہسپتال کے سپرنٹنڈنٹ کو ہدایت دی کہ وہ حمل کے باقی ایام  میں لڑکی کی صحت اور حفاظت کو یقینی بنائیں۔

کیس کی تفصیلات کے مطابق، بوائے فرینڈ کے ساتھ جنسی تعلقات کے نتیجے لڑکی حاملہ بن گئی۔ ہندوستانی قانون کے تحت، نابالغ کے ساتھ جنسی تعلقات کو عصمت ریزی کے طور پر دیکھا  جاتا ہے، چاہے یہ تعلقات رضامندی سے ہو یا نہ ہو۔

عدالت نے محکمہ بہبود خواتین کے پرنسپل سکریٹری کے ذریعہ، سکھی مرکز کے ذریعہ لڑکی کو مکمل تعاون فراہم کرنے کی ہدایت دی،نیز ضرورت کی صورت میں پولیس کے ساتھ ہم آہنگی بھی شامل ہے۔ اس معاملہ  کی سماعت دوبارہ 29 اکتوبر کو ہوگی۔

یہ حکم نابالغ کی ماں کی طرف سے دائر ایک رٹ پٹیشن پر جاری کیا گیا تھا، جس نے میڈیکل ٹرمینیشن آف پریگننسی ترمیمی ایکٹ، 2021 کے تحت ایک میڈیکل بورڈ کے قیام کا مطالبہ کیا تھا۔

درخواست گزار نے اپنی بیٹی کے حمل کو فوری ساقط کرنے کی درخواست کی تھی، جس میں 22 جولائی 2025 کی ایک طبی رپورٹ کا حوالہ دیا گیا تھا، دونوں فریقین کے دلائل کی سماعت کے بعد، عدالت نے رپورٹ میں نوٹ کیے گئے حمل کے 28 ہفتہ  کے جدید مرحلہ کا حوالہ دیتے ہوئے، حمل ساقط کرنے کی اجازت دینے سے انکار کر دیا۔

جسٹس بھیماپاکا نے،حمل ساقط کرنے کی درخواست کو مسترد کرتے ہوئے، ہدایت دی کہ نابالغ کو باقی مدت کے دوران بلا تعطل طبی امداد اور معاونت کی خدمات حاصل  فراہم کی جانی چاہئے۔