آندھراپردیش
نوزائیدہ کو تھیلی میں رکھ کر پھینکنے لے جانے والا ضعیف شخص زیرحراست
نوزائیدہ کو تھیلی میں رکھ کر اس کو پھینکنے کے لئے لے جانے والے ضعیف شخص کو پکڑلیاگیا۔
حیدرآباد: نوزائیدہ کو تھیلی میں رکھ کر اس کو پھینکنے کے لئے لے جانے والے ضعیف شخص کو پکڑلیاگیا۔
یہ ضعیف شخص تھیلی کے ساتھ آٹو میں سوار ہوا تاہم بچہ کے رونے کی آواز پر چوکس آٹوڈرائیور نے فوری طورپر شبہ ظاہر کرتے ہوئے پولیس کو اس بات کی اطلاع دی۔
پولیس نے اس ضعیف شخص کو حراست میں لیتے ہوئے بچہ کو سرکاری اسپتال منتقل کردیا۔
یہ واقعہ آندھراپردیش کے ضلع این ٹی آر میں پیش آیا۔ اس شخص نے پولیس کو بتایا کہ 5 دن پہلے وجئے واڑہ میں ایک پرائیویٹ اسپتال میں جگاریڈی گوڑم سے تعلق رکھنے والی خاتون نے دو جڑواں بچوں کو جنم دیا۔
اس میں سے ایک نوزائیدہ کی صحت ٹھیک نہ ہونے پرنرس کی مدد سے ماں اور باپ نے اس نوزائیدہ کو ضعیف شخص کے حوالے کردیا۔ پولیس نے ماں باپ کو بھی حراست میں لے لیا۔
a3w
ہمیں فالو کریں
