بیوی کا قتل کرکے لاش کے ٹکڑے ٹکڑے کرنے والا شوہر گرفتار

حیدرآباد: خاندانی جھگڑوں پر شوہر نے بیوی کا قتل کردیا۔ یہ واردات شہرحیدرآباد کے نواحی علاقہ باچوپلی میں پیش آئی۔

ملزم کی شناخت ناگیندربابو کے طورپر کی گئی ہے۔ اس نے بیوی کی لاش کے ٹکڑے ٹکڑے کرنے کی کوشش کی۔اس نے پکوان گیس سلنڈر کے پھٹ پڑنے سے بیوی کی موت ہونے کا بہانہ بھی کیا۔

خاتون کے باپ کی شکایت پر پولیس نے اس سلسلہ میں معاملہ درج کرلیا۔پولیس نے ملزم شوہر کو گرفتار کرتے ہوئے اس کو ریمانڈ کردیا۔

تاخیر سے اس معاملہ کا علم ہوا۔خاتون کی شناخت مدھولتا کے طورپر کی گئی ہے جو سافٹ ویرانجینئر کے طورپرخدمات انجام دیاکرتی تھی۔کچھ دنوں سے شوہر اور بیوی میں جھگڑے ہورہے تھے۔