حیدرآباد:الکٹرک وہیل چیر کی خریداری کے خواہشمند ڈاکٹر کو 2.58لاکھ روپئے کا دھوکہ

حیدرآباد: سائبردھوکہ باز نے شہرحیدرآباد کے ایک سرکردہ اسپتال میں کام کرنے والے ایک ڈاکٹر کو 2.58 لاکھ روپئے کا دھوکہ دیا۔

یہ ڈاکٹر الکٹرک وہیل چیر کی خریداری کا منصوبہ رکھتا تھا۔ اس نے او ایل ایکس آن لائن اشتہار کا پورٹل دیکھا۔

وہ جیتندرشرمانامی شخص کے رابطہ میں آیاجس نے یہ دعوی کیا کہ کوکٹ پلی علاقہ میں اس کا اسٹور ہے اور وہ الکٹرک وہیل چیر کی سپلائی کرے گا۔

اسی بہانے مختلف مواقع پر اس دھوکہ باز نے 2.58لاکھ روپئے وصول کئے اور اپنا سل فون سوئچ آف کردیا۔

اس ڈاکٹر کی شکایت کی بنیاد پر پولیس نے اس سلسلہ میں ایک معاملہ درج کرلیا۔