حیدرآباد

حیدرآباد۔ بڑی سڑک دھنس گیی۔ٹینکر کا اگلا حصہ دھنسے ہوئے حصے میں پھنس گیا

عینی شاہدین کے مطابق، بھاری گاڑی کے وزن سے سڑک اچانک بیٹھ گئی، جس کے نتیجہ میں نیچے موجود ڈرین لائن کا کچھ حصہ منہدم ہوگیا۔ ٹینکر کا اگلا حصہ دھنسے ہوئے حصے میں پھنس گیا جس سے آس پاس رہنےو الوں اور راہگیروں میں خوف و ہراس پھیل گیا۔

حیدرآباد: حیدرآباد کے پوش علاقہ بنجارہ ہلز میں ایک بڑی سڑک دھنسنے کا واقعہ پیش آیا،جس نے عوامی انفراسٹرکچر اور حفاظت پر سنگین خدشات کو جنم دیا۔ یہ حادثہ اس وقت پیش آیا جب ایک 10 ہزار لیٹر پانی کا ٹینکر وہاں سے گزر رہا تھا۔

متعلقہ خبریں
لیٹل اسٹار اینڈ ایس ایچ ای اسپتال میں پیدائشی بیماری کے شکار بچہ کی کامیاب سرجری
وزیر اے لکشمن کمار کی 41ویں آل انڈیا سنٹرل جُلوسِ واپسی اہلِ حرم میں شرکت کی یقین دہانی
جامعہ راحت عالم للبنات عنبرپیٹ میں نزول قرآن کا مقصد اور نماز کی اہمیت و فضیلت کے موضوع پر جلسہ
دوسروں کا دل رکھنے اور خوشی بانٹنے کے اثرات زیر عنوان مولانا مفتی حافظ محمد صابر پاشاہ قادری کا خطاب
اللہ کی عطا کردہ صلاحیتیں — ایک غور و فکر کی دعوتخطیب و امام مسجد تلنگانہ اسٹیٹ حج ہاؤز کا خطاب


عینی شاہدین کے مطابق، بھاری گاڑی کے وزن سے سڑک اچانک بیٹھ گئی، جس کے نتیجہ میں نیچے موجود ڈرین لائن کا کچھ حصہ منہدم ہوگیا۔ ٹینکر کا اگلا حصہ دھنسے ہوئے حصے میں پھنس گیا جس سے آس پاس رہنےو الوں اور راہگیروں میں خوف و ہراس پھیل گیا۔

خوش قسمتی سے کوئی جانی نقصان یا کسی کے زخمی ہونے کی اطلاع نہیں ملی۔


مقامی انتظامیہ اور بلدی حکام فوری طور پر موقع پر پہنچے اور متاثرہ علاقہ کو مزید حادثات سے بچانے کے لیے محاصرہ کرتے ہویے رکاوٹیں لگادی۔ ٹریفک کو متبادل راستوں پر موڑ دیا گیا اور گریٹر حیدرآباد میونسپل کارپوریشن (جی ایچ ایم سی) نے مرمت کا کام فوراً شروع کردیا۔


ابتدائی تحقیقات سے پتہ چلا کہ سڑک کے نیچے موجود ڈرین لائن وقت کے ساتھ کمزور ہوچکی تھی جس کی بڑی وجہ ناقص دیکھ بھال اور بھاری گاڑیوں کی مسلسل آمد و رفت تھی جو اچانک دھنسنے کا سبب بنی۔ جی ایچ ایم سی حکام نے تفصیلی معائنہ کرنے اور متاثرہ حصہ کی فوری بحالی کی یقین دہانی کرائی ہے۔


مقامی افراد نے اپنی برہمی کا اظہار کرتے ہوئے کہا کہ بنجارہ ہلز میں سڑکوں اور ڈرینج سسٹم کی خستہ حالت کے بارے میں بارہا شکایات درج کرائی گئی ہیں لیکن ان پر کوئی کارروائی نہیں کی گئی۔

یہ واقعہ حیدرآباد میں شہری انفراسٹرکچر کی ناکامیوں کی بڑھتی ہوئی فہرست میں شامل ہوگیا ہے، جو خاص طور پر زیادہ ٹریفک والے اور رہائشی علاقوں میں سڑکوں کی مضبوطی کے ہنگامی جائزے کا متقاضی ہے۔