حیدرآباد: چلتی آرٹی سی بس میں آگ لگ گئی

حیدرآباد: حیدرآباد میں آج صبح مہدی پٹنم میں چلتی آرٹی سی بس میں آگ لگ گئی۔ خوش قسمتی سے اس واقعہ میں کوئی جانی نقصان نہیں ہوا۔ شبہ ظاہر کیا جارہا ہے کہ آگ شارٹ سرکٹ کے باعث بھڑکی۔

اطلاعات کے مطابق یہ واقعہ صبح تقریباً 9 بجے پیش آیا جب آرٹی سی کی آرڈنری بس مانصاحب ٹینک سے راجندر نگر کی جانب تقریباً 40 مسافروں کو لے جارہی تھی۔

مہدی پٹنم میٹرو کے پلر نمبر 9 کے قریب پہنچنے پر اچانک بس میں آگ لگ گئی۔ ڈرائیور نے فوری طور پر گاڑی روک دی اور مسافروں کو متنبہ کیا جس کے بعد وہ سب بحفاظت باہر نکل آئے۔

بس کے عملے نے فوری طور پر فائر ڈپارٹمنٹ اور پولیس کو اطلاع دی۔ فائر عملہ موقع پر پہنچ کر آگ پر قابو پا لیا، تاہم تب تک بس کا اگلا حصہ بری طرح جل چکا تھا۔