گچی باؤلی کے اپارٹمنٹ میں تین افراد کی لاشیں، کئی دنوں سے بند مکان سے اٹھ رہی تھی بدبو

حیدرآباد کے گچی باؤلی علاقے میں ایک ہی خاندان کے تین افراد کی خودکشی کے واقعے سے سنسنی پھیل گئی۔ یہ افسوسناک واقعہ گوپن پلی کے جئے بھیری اپارٹمنٹ میں پیش آیا، جہاں ایک مکان سے بدبو آنے پر مقامی افراد کو شبہ ہوا اور انہوں نے فوری طور پر پولیس کو اطلاع دی۔
اطلاع ملنے پر پولیس موقع پر پہنچی اور مکان کی تلاشی لینے پر تین افراد کی لاشیں برآمد ہوئیں۔ پولیس نے ان کی شناخت بتولا مریڈی، ان کی اہلیہ بھارتی اور بیٹے نشانت کے طور پر کی ہے۔
پولیس کو ابتدائی تحقیقات میں شبہ ہے کہ خاندانی مسائل کے باعث تینوں نے یہ انتہائی قدم اٹھایا۔ تاہم، واقعے کی اصل وجوہات کا پتہ لگانے کے لیے تحقیقات جاری ہیں۔
پولیس نے مقدمہ درج کرلیا ہے اور لاشوں کو پوسٹ مارٹم کے لیے عثمانیہ جنرل اسپتال منتقل کردیا گیا ہے۔