حیدرآباد: خوفناک سڑک حادثہ، کانسٹیبل ہلاک، دو افراد زخمی

حیدرآباد: حیدرآباد کے شمس آباد کے قریب بنگلور قومی شاہراہ پر اتوار کی صبح پیش آئے خطرناک سڑک حادثہ میں کانسٹیبل ہلاک ہوگیا اوردیگر دو افرادزخمی ہوگئے۔

اطلاعات کے مطابق ایک تیز رفتار لاری بے قابو ہوکر الٹ گئی۔ واقعہ کی اطلاع ملتے ہی پولیس پٹرولنگ گاڑی کے ذریعہ موقع پر پہنچی۔اسی دوران پیچھے سے تیزی سے آتی ایک اور لاری نے پولیس پٹرولنگ گاڑی کو ٹکر دے دی۔

اس حادثہ میں کانسٹیبل وجے کمار موقع پر ہی ہلاک ہو گیا، جبکہ دیگر دو کانسٹیبل زخمی ہوگئے۔ زخمیوں کو فوری طور پر قریبی پرائیویٹ اسپتال منتقل کیا گیا۔

پولیس کی ابتدائی تحقیقات میں معلوم ہوا ہے کہ لاری ڈرائیور نشہ کی حالت میں تھا اور تیز رفتاری کے سبب یہ حادثہ پیش آیا۔مہلوک کانسٹیبل وجے کمار شمس آباد پولیس اسٹیشن میں خدمات انجام دے رہا تھا۔