حیدرآباد: محترمہ فرحین ترنم کو تلنگانہ بیسٹ ٹیچر ایوارڈ

حیدرآباد: پروفیسر ڈاکٹر امرت راؤ ایجوکیشن سوسائٹی نے ورلڈ انوائرمنٹل آرگنائزیشن، ٹیاکس فلنگس انڈیا اور ایجوکیشن ورلڈ کے اشتراک سے 22 ستمبر کو ڈاکٹر امبیڈکر یونیورسٹی میں منعقدہ باوقار تقریب میں محترمہ فرحین ترنم، معلمہ گورنمنٹ پرائمری اسکول گلزار نگر (بہادرپورہ منڈل)، کو تلنگانہ بیسٹ ٹیچر ایوارڈ سے نوازا۔

یہ ایوارڈ محترمہ فرحین ترنم کو مہمان خصوصی ہز ہائینس نواب رونق یار جنگ نے عطا کیا اور ان کی خدمات پر مبارکباد دی اور نیک تمناؤں کا اظہار کیا۔ محترمہ فرحین ترنم کا دسمبر 2012 میں گورنمنٹ پرائمری اسکول اچی ریڈی نگر-3 پر پہلا تقرر ہوا تھا۔

ایوارڈ ملنے پر ڈپٹی آئی او ایس جناب محمد خلیل، ہیڈ ماسٹر جناب محمد مطہر بیگ، اسکولی اسٹاف اور اساتذہ انجمنوں کے قائدین نے محترمہ فرحین ترنم کو مبارکباد پیش کی۔