پرانا شہر حیدرآباد: راتوں کو آوارہ گردی کرنے والے نوجوان پکڑے گئے

حیدرآباد: پرانا شہرحیدرآباد میں جرائم کی وارداتوں پر قابو پانے کیلئے پولیس متحرک ہوگئی ہے۔

کنچن باغ پولیس نے کئی مقامات پر راتوں کو سڑکوں پر آوارہ گردی کرنے والے نوجوانوں پر نظررکھتے ہوئے ان کو پکڑلیا۔

پولیس نے کئی مقامات پر گلیوں میں سٹہ بازی کرنے والے اور دیگر جرائم کی وارداتوں کو انجام دینے والے نوجوانوں کو پکڑا۔

پولیس کو دیکھ کر بعض نوجوان فرار ہوگئے تاہم پولیس نے بعض نوجوانوں کو پکڑلیا اور ان کی بعد ازاں کونسلنگ کی گئی۔

حالیہ دنوں کے دوران رات کے اوقات میں ان نوجوانوں کی جانب سے گڑبڑ کرنے اور جرائم کی مختلف وارداتوں میں ملوث ہونے کے معاملات سامنے آئے ہیں جس کے بعد پولیس نے سرگرمی کا مظاہرہ کیا ہے۔