حیدرآباد میں آرٹی سی کی 2,800 ڈیزل بسوں کو مرحلہ وار طریقہ سے الکڑک بسوں سے تبدیل کیاجائے

حیدرآباد: تلنگانہ اسٹیٹ روڈ ٹرانسپورٹ کارپوریشن نے فیصلہ کیا ہے کہ حیدرآباد شہر میں مسافروں کے لئے دستیاب 2,800 ڈیزل بسوں کو مرحلہ وار طریقہ سے الکڑک بسوں سے تبدیل کیاجائے۔

کارپوریشن پہلے ہی ریاست میں خواتین کے لئے مفت بس سفر کی سہولت فراہم کر رہا ہے۔ اب مسافروں کو اپنی طرف متوجہ کرنے کے لئئے کارپوریشن نے یہ فیصلہ کیا ہے۔

کارپوریشن اس پروگرام کو مرحلہ وار طریقہ سے انجام دے گا اور آئندہ دو سالوں یعنی 2027 تک یہ تمام 2,800 ڈیزل بسیں شہر کی سڑکوں سے غائب ہو جائیں گی اور ان کی جگہ الکٹرک بسیں لے لیں گی۔

اس سلسلہ میں کارپوریشن نے ایک اور پیشکش کا اعلان کیا ہے اور”ٹریول ایز یو لائک ٹی 24“ ٹکٹوں کی قیمتوں میں کمی کر دی ہے۔ یہ آفر اس مہینے کی 31 تاریخ تک نافذ العمل رہے گا۔

بالغوں کے لئے 150 روپے، خواتین اور ضعیف افراد کے لئے 120 روپے اور بچوں کے لئے100 روپے وصول کئے جاتے تھے۔

حکام کی جانب سے جاری کردہ اعلامیہ کے مطابق، کم کی گئی نئی قیمتیں اس طرح ہیں:

بالغوں کے لئے 130 روپے،خواتین اور معمرشہریوں کے لئے 110 روپے۔بچوں کے لئے 90 روپے

یہ ٹکٹ آفر 31 دسمبر تک لاگو رہے گا۔ ان ٹکٹوں کے ذریعہ مسافر سٹی آرڈینری، میٹرو ایکسپریس، اور میٹرو ڈیلکس بسوں میں آدھی رات 12 بجے تک شہر کی حدود میں کہیں بھی سفر کر سکتے ہیں۔ یہ فیصلہ کرسمس اور نئے سال کی تعطیلات کے سیزن کو مدنظر رکھتے ہوئے کیا گیا ہے۔