حیدرآباد: سات سالہ لڑکے کا بے دردی سے قتل، لاش جھاڑیوں سے برآمد

حیدرآباد: حیدرآباد کے مضافاتی علاقہ عطاپور میں جمعرات کو سات سالہ لڑکے کو بے دردی سے قتل کر دیا گیا۔ اس کی لاش جھاڑیوں میں ملی، جس کے سر پر شدید زخمی کے نشانات تھے۔

شبہ ہے کہ نامعلوم حملہ آوروں نے پتھروں سے اس کے سر پر وار کرکے قتل کیا۔ پولیس کو شبہ ہے کہ بچے کو میر عالم تالاب کے قریب قتل کرکے لاش کو اس سنسنا ن جگہ پر پھینک دیا گیا۔

مقامی افرادنے جب لاش دیکھی تو فوری طور پر پولیس کو اطلاع دی، جس کے بعد پولیس نے موقع پر پہنچ کر جانچ کا آغاز کر دیا۔

حکام قریبی پولیس اسٹیشنس میں درج گمشدگی کے معاملات کی جانچ کر رہے ہیں۔لاش کی شناخت کی کوششیں جاری ہیں۔