حیدرآباد: نئے سال کے موقع پر حالت نشہ میں گاڑیاں چلاتے ہوئے کئی افراد پکڑے گئے

حیدرآباد: نئے سال کے سلسلہ میں پولیس کی جانب سے شہرحیدرآباد کے کئی علاقوں میں حالت نشہ میں گاڑیاں چلانے والوں کے خلاف مہم چلائی گئی۔اس مہم کے دوران شراب پی کرگاڑی چلانے والے افراد کو پکڑاگیا۔

اس موقع پر بیشترافراد نے ٹریفک پولیس سے بحث وتکرارکی۔ٹریفک پولیس نے کئی گاڑیوں کو بھی ضبط کیا۔

بعض نوجوانوں کی جانب سے نئے سال کے جشن کے حصہ کے طورپر گاڑیوں پر کرتب بازی بھی کی گئی۔

اس طرح کی کرتب بازی کے مناظر والی ویڈیوز سوشیل میڈیا پر تیزی کے ساتھ وائرل ہوگئیں۔

سوشیل میڈیا استعمال کرنے والوں نے اس طرح کی حرکتیں کرنے والے نوجوانوں کے خلاف کارروائی کامطالبہ کرتے ہوئے کہا کہ یہ نوجوان اپنی خود کی اوردوسروں کی زندگیوں کو خطرہ میں ڈالنے کا سبب بنے ہیں۔