حیدرآباد: موٹرسائیکل کے ڈیوائیڈرسے ٹکراجانے کے نتیجہ میں تین نوجوان جاں بحق

حیدرآباد: موٹرسائیکل کے پھسل کرڈیوائیڈرسے ٹکراجانے کے نتیجہ میں تین نوجوان جاں بحق ہوگئے۔

یہ حادثہ شہرحیدرآباد کے منموہن سنگھ بریج پر کل شب پیش آیا۔

اس بریج کا حال ہی میں افتتاح عمل میں آیا تھا۔اس حادثہ کی اطلاع کے ساتھ ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا۔

جاں بحق ہونے والوں کی شناخت گولکنڈہ فتح دروازہ کے معاذ،تالاب کٹہ کے رہنے والے احمد اورعمران کے طورپر کی گئی ہے۔

پولیس نے اس سلسلہ میں ایک معاملہ درج کرکے جانچ شروع کردی۔