حیدرآباد: خاتون نے دو بچوں کو قتل کرنے کے بعد خودکشی کرلی

حیدرآباد: ایک افسوسناک واقعہ میں، ایک خاتون نے اپنے دو بچوں کو قتل کرنے کے بعد خودکشی کرلی۔ یہ واقعہ منگل کے روز حیدرآباد کے بالانگر کے پدمانگر میں پیش آیا۔

خاتون کی شناخت سائی لکشمی کے طور پر کی گئی ہے۔ اطلاعات کے مطابق، اس نے اپنے دو سالہ جڑواں بچوں کو گلا گھونٹ کر ہلاک کیا اور بعد میں عمارت کی تیسری منزل سے چھلانگ لگا دی۔

اس واقعہ میں موقع پر ہی اس کی موت ہوگئی۔

پولیس کے مطابق خاتون کا تعلق اے پی کے ایلورو ضلع کے نزواڑعلاقہ سے تھا۔ ابتدائی تحقیقات سے پتہ چلا ہے کہ خاندانی تنازعات اس واقعہ کی اصل وجہ ہیں۔

بالا نگر پولیس نے مقدمہ درج کرکے تحقیقات کا آغاز کر دیا ہے۔