حیدرآباد: ٹرین میں سوار ہونے کی کوشش،خاتون نیچے گرپڑی

حیدرآباد: حیدرآبا د کے چرلہ پلی ریلوے اسٹیشن پر ایک خاتون ٹرین میں چڑھنے کی کوشش کے دوران نیچے گر گئی۔ پلیٹ فارم نمبر 9 پر وشاکھاپٹنم جانے والی ٹرین میں سوار ہونے کی کوشش کرتے ہوئے وہ گرپڑی۔

اس موقع پر انچارج ٹی ٹی ای سنتوش نے فوری طور پر چوکسی کامظاہرہ کرتے ہوئے اسے کوچ میں سوار کرایا۔ خوش قسمتی سے اسے معمولی زخم آئے اور وہ محفوظ رہی۔

یہ واقعہ وہاں لگے سی سی ٹی وی کیمروں میں ریکارڈ ہو گیا۔اس خاتون کے اس واقعہ میں محفوظ رہنے پر ساتھی مسافرین نے راحت کی سانس لی۔خاتون مسافر نے ٹی ٹی ای سنتوش کا شکریہ اداکیا۔