حیدرآبادی خاتون برطانیہ میں ٹرک کے حادثے میں زخمی، کومے میں داخل, حکومت سے امداد کی درخواست

حیدرآباد: شہرحیدرآباد کے علاقہ چیتنیہ پوری علاقہ کی خاتون برطانیہ میں حادثہ کاشکارہونے کے بعد کوما میں چلی گئی۔

اس کے ارکان خاندان نے اس کے علاج کے اخراجات کیلئے تلنگانہ حکومت سے درخواست کی ہے۔تفصیلات کے مطاب چیتنیہ پوری سے تعلق رکھنے والی ہیمابندو5 ماہ قبل ایک واقف کار کے ذریعہ برطانیہ کے پریسٹن سٹی گئی تھی۔

وہ بروک ہیون نامی اسپتال میں بطور نگراں کام کر رہی ہے تاہم گزشتہ ماہ کی 24 تاریخ کو وہاں سڑک عبور کرتے ہوئے ایک تیز رفتار ٹرک نے اسے ٹکر مار دی۔

اس حادثہ میں وہ شدید زخمی ہو گئی۔پولیس نے اسے اسپتال میں داخل کروایا جہاں وہ زیرعلاج ہے۔ وہ کومامیں چلی گئی ہے۔

پولیس نے ٹرک ڈرائیور کو گرفتار کر لیا۔ پتہ چلا کہ نشہ کی حالت میں وہ گاڑی چلا رہا تھا۔ ہیما کے والدین نے ریاستی حکومت سے اس کے علاج کے اخراجات برداشت کرنے کی خواہش کی۔