ہائیڈرا نے غیرمجاز تعمیرات ڈھا دیں

حیدرآباد: رنگا ریڈی ضلع کے شمس آباد حدود میں واقع 12 ایکڑ اراضی پر کی گئی غیرمجاز تعمیرات کو ہائیڈرا حکام نے منہدم کردیا۔ یہ کارروائی ہفتہ کے روز سخت پولیس بندوبست کے درمیان انجام دی گئی۔

تفصیلات کے مطابق، شمس آباد کے سروے نمبر 217 میں موجود مذکورہ زمین کو حکومت نے سال 2011 میں انٹرمیڈیٹ بورڈ کے لیے مختص کیا تھا۔ تاہم حالیہ دنوں میں ایک نجی تعمیراتی کمپنی نے اس اراضی پر قبضہ کرتے ہوئے تعمیرات شروع کردیں۔

اس غیر قانونی سرگرمی کے خلاف شکایت درج کروائے جانے پر ہائیڈرا حکام حرکت میں آئے اور فوری کارروائی کرتے ہوئے تمام تعمیرات کو منہدم کردیا۔

–శంషాబాద్ లో 500 కోట్ల విలువైన 12 ఎకరాల ప్రభుత్వ భూమిని స్వాధీనం చేసుకున్న హైడ్రా.
–ప్రహరీతో పాటు లోపల వేసిన షెడ్డుల తొలగింపు.
–12 ఎకరాల భూమి చుట్టూ హైడ్రా ఫెన్సింగ్.
–ప్రభుత్వ భూమిగా పేర్కొంటూ హైడ్రా బోర్డులు.

🔷ప్రభుత్వ భూముల పరిరక్షణ విషయంలో రాష్ట్ర ప్రభుత్వం సీరియస్గా… pic.twitter.com/E7NL77xdZM

— HYDRAA (@Comm_HYDRAA) September 13, 2025

عہدیداروں نے واضح کیا کہ سرکاری اداروں کو دی گئی زمین پر کسی بھی قسم کے ناجائز قبضے یا تعمیر کو ہرگز برداشت نہیں کیا جائے گا۔ مزید کہا گیا کہ اس طرح کی سرگرمیوں میں ملوث افراد کے خلاف سخت کارروائی کی جائے گی تاکہ مستقبل میں کوئی بھی سرکاری اراضی پر قبضہ کرنے کی جرات نہ کرے۔