شمالی بھارت

ملاوٹی آیورویدک سیرپ پینے کے بعد 5 افراد فوت

گجرات کے ضلع کھیڑا میں آلودہ آیورویدک سیرپ پینے کے بعد گزشتہ 2 دن کے دوران کم ازکم 5 افراد فوت اور 2 ہاسپٹل میں شریک ہوگئے۔

نڈیاڈ: گجرات کے ضلع کھیڑا میں آلودہ آیورویدک سیرپ پینے کے بعد گزشتہ 2 دن کے دوران کم ازکم 5 افراد فوت اور 2 ہاسپٹل میں شریک ہوگئے۔

متعلقہ خبریں
فلائی اوور پر رکی ہوئی بس کو ٹکر، 12 ہلاک۔ پی ایم فنڈ سے امداد کا اعلان(ویڈیو)
مستفیض الرحمن سرپر گیند لگنے سے زخمی
لیو اِن ریلیشن شپ: نیپالی خاتون کا بے دردانہ قتل
رس گلا کھانے سے 70 افراد بیمار
گجرات کے 2 دہشت گرد بھائیوں کو 10 سال قید بامشقت

موضع بلودرہ میں ایک دکاندار نے تقریباً 50 افراد کو آیورویدک سیرپ ”کل میگھاسو۔ اساوا ارشتا“ فروخت کی تھی۔

کھیڑا کے سپرنٹنڈنٹ پولیس راجیش گدھیا نے بتایا کہ ایک دیہاتی کے خون کے نمونہ کی رپورٹ سے اس بات کی توثیق ہوئی ہے کہ فروخت کرنے سے پہلے سیرپ میں میتھائل الکحل ملائی گئی تھی۔

سیرپ پینے کے بعد گزشتہ 2 دن کے دوران 5 افراد فوت ہوچکے ہیں جبکہ 2 ہنوز زیرعلاج ہیں۔ ہم نے دکاندار سمیت 3 افراد کو پوچھ تاچھ کیلئے حراست میں لے لیا ہے۔