ملاوٹی آیورویدک سیرپ پینے کے بعد 5 افراد فوت

نڈیاڈ: گجرات کے ضلع کھیڑا میں آلودہ آیورویدک سیرپ پینے کے بعد گزشتہ 2 دن کے دوران کم ازکم 5 افراد فوت اور 2 ہاسپٹل میں شریک ہوگئے۔

موضع بلودرہ میں ایک دکاندار نے تقریباً 50 افراد کو آیورویدک سیرپ ”کل میگھاسو۔ اساوا ارشتا“ فروخت کی تھی۔

کھیڑا کے سپرنٹنڈنٹ پولیس راجیش گدھیا نے بتایا کہ ایک دیہاتی کے خون کے نمونہ کی رپورٹ سے اس بات کی توثیق ہوئی ہے کہ فروخت کرنے سے پہلے سیرپ میں میتھائل الکحل ملائی گئی تھی۔

سیرپ پینے کے بعد گزشتہ 2 دن کے دوران 5 افراد فوت ہوچکے ہیں جبکہ 2 ہنوز زیرعلاج ہیں۔ ہم نے دکاندار سمیت 3 افراد کو پوچھ تاچھ کیلئے حراست میں لے لیا ہے۔