کاش، جماعت اسلامی نے ہم سے رجوع کیا ہوتا: وحید الرحمن پرا
جماعت اسلامی کی قیادت اگر محبوبہ مفتی سے رجوع ہوتی تو پیپلز ڈیموکریٹک پارٹی ممنوعہ جماعت کے امیدواروں کو جگہ دیتی۔ پارٹی کی یوتھ ونگ کے صدر وحید الرحمن پرا،نے اتوار کے دن یہ بات کہی۔
![کاش، جماعت اسلامی نے ہم سے رجوع کیا ہوتا: وحید الرحمن پرا](https://urdu.munsifdaily.com/wp-content/uploads/2024/09/Waheed-Ur-Rehman-Parra.jpg)
سری نگر۔: جماعت اسلامی کی قیادت اگر محبوبہ مفتی سے رجوع ہوتی تو پیپلز ڈیموکریٹک پارٹی ممنوعہ جماعت کے امیدواروں کو جگہ دیتی۔ پارٹی کی یوتھ ونگ کے صدر وحید الرحمن پرا،نے اتوار کے دن یہ بات کہی۔
انہوں نے یہ بھی کہا کہ پی ڈی پی نے ہمیشہ سب کو ساتھ لے کر چلنے کی سیاست کو ترجیح دی ہے۔ مرکز نے ابتداء میں فروری 2019ء میں جماعت پر پانچ سال کا امتناع عائد کیا تھا۔
جاریہ سال اس میں یواے پی اے کے تحت مزید پانچ سال کی توسیع ہوئی۔ پرا،نے جو پلوامہ حلقہ سے اسمبلی الیکشن لڑرہے ہیں کہا کہ محبوبہ مفتی کا ہمیشہ ایقان بات چیت، صلح صفائی اور سب کو ساتھ لے کر چلنے میں رہا ہے۔
جماعت اسلامی اگر پی ڈی پی سے رجوع ہوتی تو ہم اسے نشستیں الاٹ کرنے پر غور کرتے، چاہے اس کے لئے ہمیں کئی نشستوں کی قربانی کیوں نہ دینی پڑتی۔
ہم انہیں ضرور جگہ دیتے۔ چند دن قبل پی ڈی پی صدر محبوبہ مفتی نے حکومت سے مطالبہ کیا تھا کہ وہ جماعت اسلامی پر سے پابندی اٹھالے تاکہ وہ الیکشن لڑ سکے۔
سابق چیف منسٹر جموں و کشمیر نے جمعہ کے دن کہا تھا کہ جماعت اگر الیکشن لڑنا چاہتی ہے تو یہ اچھی بات ہے۔ جمہوریت نظریات کی جنگ ہوتی ہے۔ حکومت کو چاہئے کہ وہ جماعت پر امتناع برخواست کردے۔