نیویارک میں جمعہ کو مساجدکے لاؤڈ اسپیکرس میں اذان کی آواز گونج اُٹھی

نیویارک: امریکی شہر نیویارک میں میئر کی اجازت کے بعد جمعہ کو پہلی بار مساجد سے اذان کی آواز گونجی اٹھی۔ تفصیلات کے مطابق امریکی شہر نیویارک میں جمعہ کو پہلی بار مساجد سے اذان کی آواز گونجی سنائی دی ، رواں ہفتے نیویارک کےمیئرنےجمعہ کی اذان لاؤڈ اسپیکر پر دینےکی اجازت دی تھی۔

نیویارک کے میئر ایرک ایڈم نے پریس کانفرنس میں اعلان کیا تھا کہ اب شہر کی مساجد میں جمعہ کی اذان لاؤڈ اسپیکر پر دی جا سکتی ہے جب کہ رمضان المبارک میں مغرب کی اذان بھی لاؤڈ اسپیکر پر دینے کی اجازت ہوگی۔

نیویارک کی مسلم امریکن کمیونٹی کی جانب سے نیویارک پولیس ڈیپارٹمنٹ کے میمو کا خیر مقدم کیا ، ساتھ ہی محکمہ پولیس اور میئر کا شکریہ ادا کیا ہے۔

ایک رپورٹ کے مطابق نیویارک میں ساڑھے 7 لاکھ سے زائد مسلمان آباد ہیں جب کہ وہاں پونے تین سو سے زائد مساجد اور اسلامک سینٹرز قائم ہیں۔