مہاراشٹر میں شدیدگرمی کے پیش نظر تعلیمی بورڈ نے چھٹی کا اعلان کیا

ممبئی: مہاراشٹر میں بڑھتے ہوئے درجہ حرارت کو دیکھتے ہوئےریاست کے سیکنڈری اینڈ ہائر سیکنڈری ایجوکیشن بورڈ کے سبھی اسکولوں میں جمعہ سے تعطیل کا اعلان کیا گیا ہے۔

اس سلسلے میں محکمہ اسکول ایجوکیشن اینڈ اسپورٹس نے جمعرات کی شب ایک حکم نامہ جاری کیا۔

اس حکم نامہ میں کہا گیا ہے اگر ریاست کے دیگر بورڈز کے اسکول مقررہ وقت پر چل رہے ہیں یا ایسے اسکول جہاں اہم تعلیمی سرگرمیاں چل رہی ہیں، تو اسکول انتظامیہ اپنی سطح پر تعطیل کا اعلان کرنے کا فیصلہ کرسکتی ہے۔

دریں اثنا، موسم کی خرابی کی وجہ سے ریاست بھر میں شدید گرمی محسوس کی جا رہی ہے، جس سے لوگوں کو روزمرہ کے کاموں میں مشکلات کا سامنا ہے۔

ریاست کے بیشتر مقامات پر دن کا درجہ حرارت 40 ڈگری سیلسیس سے تجاوز کر گیا ہے۔

یواین آئی