ہندوستان – عرب وزرائے خارجہ کی میٹنگ ہفتہ کو

نئی دہلی: ہندوستان ہفتے کے روز یہاں ہندوستان۔ عرب وزرائے خارجہ کی دوسری ملاقات کی میزبانی کرے گا، جس میں تمام 22 عرب ممالک کے نمائندے شرکت کریں گے۔

وزارتِ خارجہ کے مطابق اس اجلاس کی مشترکہ صدارت ہندوستان اور متحدہ عرب امارات کریں گے، جبکہ عرب لیگ کے رکن ممالک کے وزرائے خارجہ اور عرب لیگ کے سکریٹری جنرل بھی اجلاس میں شریک ہوں گے۔

یہ فریقین کی دوسری ملاقات ہے، جو دس برسوں کے بعد ہو رہی ہے۔ پہلی ملاقات 2016 بحرین میں ہوئی تھی۔

اجلاس سے ہندوستان۔عرب تعاون کو مزید فروغ دینے اور شراکت داری کو مضبوط بنانے کی توقع ہے۔ یہ پہلا موقع ہوگا جب ہندوستان اس اعلیٰ سطحی ہندوستان۔ عرب وزرائے خارجہ اجلاس کی میزبانی کرے گا۔