چوہے کے کاٹنے سے نوزائیدہ کی موت، تلنگانہ کے ناگرکرنول ضلع میں واقعہ

حیدرآباد: تلنگانہ کے ناگرکرنول ضلع میں چوہے کے کاٹنے سے نوزائیدہ کی موت ہوگئی۔تفصیلات کے مطابق ناگنول گاؤں کی لکشمی کلا کی شادی تین سال قبل پداکارپولاکے رہنے والے شیوا سے ہوئی تھی۔

ان کے ہاں 40 دن پہلے ایک بچہ کی پیدائش ہوئی تھی۔ لکشمی اپنے مائیکے میں تھی۔وہ کام کررہی تھی کہ ایک چوہے نے اس کے بیٹے کی ناک کاٹ لی جس کے بعد نوزائیدہ کو مقامی ضلع اسپتال لے جایا گیا۔

چونکہ خون زیادہ بہہ رہا تھا اس لئے نوزائیدہ کو بہتر علاج کے لیے حیدرآبا دکے نیلوفر اسپتال منتقل کیاگیا۔ ڈاکٹروں نے تصدیق کی کہ اتوار کی شام نوزائیدہ کی موت علاج کے دوران ہوئی۔