شیئر بازاروں میں شروعاتی اتار چڑھاؤ، آئی ٹی کمپنیوں میں خریداری

ممبئی: آئی ٹی کمپنیوں کے شیئروں میں خریداری کے درمیان گھریلو شیئر بازاروں میں جمعہ کے روز شروعاتی کاروبار میں اتار چڑھاؤ دیکھا گیا۔

بی ایس ای کا سینسیکس 120.71 پوائنٹس بڑھ کر 75,988.51 پوائنٹس پر کھلا اور 76,220 پوائنٹس تک مضبوط ہوا۔ بعد میں یہ 75,841 پوائنٹس تک اتر گیا۔

خبر لکھے جانے تک سینسیکس 124.67 پوائنٹس (0.16 فیصد) اوپر 75,992.47 پوائنٹس پر تھا۔ سینسیکس کے برعکس نیشنل اسٹاک ایکسچینج کا نفٹی-50 انڈیکس گزشتہ کاروباری دن کے مقابلے پانچ پوائنٹس نیچے 23,902.15 پوائنٹس پر کھلا۔ خبر لکھے جانے تک یہ 12.80 پوائنٹس یعنی 0.05 فیصد کی بڑھت کے ساتھ 23,919.95 پوائنٹس پر تھا۔

وسیع بازار میں تیزی رہی۔ خاص طور پر آئی ٹی کمپنیوں میں خریداری دیکھی گئی۔ بینکنگ، فارما اور رئیلٹی گروپوں کے انڈیکس بھی فی الحال مضبوط ہیں۔

پائیدار صارفین کی مصنوعات، کیمیکل اور ایف ایم سی جی گروپوں نے بازار پر دباؤ بنایا ہے۔ سینسیکس کی کمپنیوں میں انفوسس، ٹرینٹ، ایچ سی ایل ٹیکنالوجیز، ٹی سی ایس، ماروتی سوزوکی، الٹرا ٹیک سیمنٹ اور ٹیک مہندرا کے شیئر اوپر ہیں۔ انفوسس میں تین فیصد سے زیادہ کی تیزی رہی۔ ٹرینٹ، ایچ سی ایل ٹیکنالوجیز اور ٹی سی ایس کے شیئر ایک سے ڈیڑھ فیصد تک چڑھے۔