عراق: اسپتال میں آتشزدگی سے 4 بچے ہلاک

بغداد: جنوبی عراقی شہر دیوانیہ میں خواتین اور بچوں کے ایک اسپتال میں آگ لگنے سے چار بچوں کی موت ہوگئی اور 20 سے زیادہ دیگر دم گھٹنے سے زخمی ہو گئے۔ وزارت داخلہ کے ایک ذرائع نے یہ اطلاع دی۔

ذرائع نے نام ظاہر نہ کرنے کی شرط پر ژنہوا کو بتایا کہ آگ پیر کی شام کو بجلی شارٹ سرکٹ کی وجہ سے لگی اور اسپتال کی راہداریوں میں دھواں پھیل گیا۔ انہوں نے کہا کہ 150 افراد کو دوسرے اسپتالوں میں منتقل کیا گیا ہے۔

ذرائع نے بتایا کہ عراقی شہری دفاع کی ٹیموں نے کئی گھنٹوں کے بعد آگ پر قابو پالیا۔

عراقی وزیر اعظم محمد شیعہ السوڈانی کے میڈیا آفس کے ایک بیان کے مطابق وزیر اعظم نے اسپتال میں غفلت برتنے والے اہلکاروں کو برطرف کرنے کا حکم دیا ہے۔