کالیشورم پراجکٹ کی تعمیر میں بے قاعدگیوں کی جانچ کروائی جائے گی:وزیر آبپاشی تلنگانہ

حیدرآباد: تلنگانہ کے وزیر آبپاشی اتم کمارریڈی نے کہا ہے کہ کالیشورم پراجکٹ کی تعمیر میں بے قاعدگیوں کی جانچ کروائی جائے گی کیونکہ ہزاروں کروڑروپئے کے صرفہ سے تعمیر کردہ میڈی گڈہ بیریج اندرون دوسال منہدم ہوگیا۔

انہوں نے میڈیا سے بات کرتے ہوئے کہاکہ اس پراجکٹ کو کس نے منظورکیا ہے، اس کا ڈیزائن کس نے تیار کیا ہے اس کی بھی جانچ کی جائے گی۔انہوں نے کہاکہ ہمیں عوام کو جوابدہ ہونے کی ضرورت ہے۔

اس بے قاعدگی کے ذریعہ سرکاری خزانہ کو نقصان پہنچایاگیا۔وزیرموصوف نے کہا کہ پہلے ہی اس معاملہ کی جانچ کا اعلان کردیاگیا ہے۔اس سلسلہ میں کام کیاجارہا ہے۔