کاماریڈی میں شاپنگ مال میں بڑے پیمانہ پر آگ لگ گئی

حیدرآباد: تلنگانہ کے ضلع کاماریڈی کے ایک شاپنگ مال میں بڑے پیمانہ پر آگ لگ گئی۔یہ واقعہ کل شب 11.30بجے پیش آیا۔اس واقعہ میں شاپنگ مال میں رکھا سامان جل کر مکمل طورپر خاکستر ہوگیا۔

اطلاع ملتے ہی فائربریگیڈ کے عملہ نے وہاں پہنچ کر آگ بجھانے کی کوششیں شروع کردی۔جے سی بی کی مدد سے شاپنگ مال کی دیوار کو منہدم کرتے ہوئے آگ پر کافی جدوجہد کے بعد قابوپانے کی کوششیں کی گئیں۔ا

س چارمنزلہ عمارت کی دو منزلوں پر لگی آگ پر صبح تک قابو پالیاگیا۔آگ کے کافی شدید ہونے کے نتیجہ میں قریبی علاقوں میں رہنے والوں میں تشویش کی لہر دوڑگئی۔

اس واقعہ میں کسی جانی نقصان یا پھر کسی کے جھلسنے کی کوئی اطلاع نہیں ملی ہے البتہ تقریبا ایک کروڑروپئے کا مالی نقصان ضرور ہوا ہے۔آگ لگنے کی وجوہات کا فوری طورپرپتہ نہیں چل سکاتاہم عہدیدار اس کا پتہ چلانے میں مصروف ہیں۔