اسرائیل کو غزہ میں جنگ جیت کر اس کام کو جلد ختم کرنا چاہیے: ڈونالڈ ٹرمپ

واشنگٹن: سابق امریکی صدر ڈونالڈ ٹرمپ کا کہنا ہے کہ اسرائیل کو غزہ میں جنگ جیت کر اس کام کو جلد ختم کرنا چاہیے۔ ڈونلڈ ٹرمپ نے فوکس نیوز ٹیلی ویژن کو انٹرویو دیتے ہوئے غزہ کی تازہ ترین صورتحال اور امریکہ۔ اسرائیل تعلقات پر اپنا جائزہ پیش کیا۔

انہوں نے دعوی کیا ہے کہ 7 اکتوبر کو جو اسرائیل کے ساتھ ہوا اسے بھلا دیادیا گیا ہے، ٹرمپ نے کہا کہ ان حملوں کو یاد رکھنا چاہیے اور اسرائیل کو امریکی سیاست میں "پہلے کی طرح” مضبوط ہونا چاہیے۔

ریپبلکن سیاست دان نے کہا کہ "اسرائیل کو یہ کام جلد اور طاقتور طریقے سے ختم کرنا چاہیے اور معمولات ِزندگی کو لوٹنا چاہیے کیونکہ یہ معاملہ کافی طویل ہو گیا ہے، انہیں فتحیاب ہو کر اپنا مشن ختم کر دینا چاہیے۔”

ڈونلڈ ٹرمپ نے اس باے کا بھی دعوی کیا کہ 15 برس پیشتر واشنگٹن کی طاقتور ترین لابی اسرائیل تھا، تا ہم آج بعض ڈیموکریٹ شخصیات کی بنا پر یہ اپنی سابقہ طاقت سے عاری ہے۔