تلنگانہ

تلنگانہ میں کانگریس کی سونامی روکنے آئی ٹی چھاپے:ریونت ریڈی

ریونت ریڈی نے سوشیل میڈیا کے اہم پلیٹ فارم ایکس پر اس سلسلہ میں ایک ٹوئیٹ کرتے ہوئے پوچھا کہ آئی ٹی کی ٹیموں کی جانب سے بی جے پی اورریاست کی حکمران جماعت بی آرایس کے امیدواروں کے مکانات پر چھاپے کیوں نہیں مارے جاتے؟

حیدرآباد: تلنگانہ کانگریس کے سربراہ ریونت ریڈی نے پالیروکے کانگریس امیدوار پی سرینواس ریڈی کی قیامگاہوں پر آئی ٹی کے آج صبح چھاپوں پر ردعمل ظاہر کرتے ہوئے مرکزی ایجنسی کی جانب سے ریاست کی اصل اپوزیشن جماعت کے امیدواروں کو نشانہ بنانے کا الزام لگایا۔

متعلقہ خبریں
42کروڑ روپئے ضبط۔ رقم،کارٹن میں بھر کر رکھی گئی تھی
ترکیہ کے بلدی انتخابات میں صدر اردغان کو بدترین شکست
ریونت ریڈی کرپشن کے شہنشاہ، تلنگانہ کے مفادات کو نظرانداز کر رہے ہیں: کویتا
محبوب نگر: المدینہ کالج میں ایک اور انجینئرنگ کالج کا اضافہ، حکومت تلنگانہ کی منظوری
محبوب نگر کوتعلیمی ہب میں تبدیل کا منصوبہ، جی کے انسٹیٹیوٹ آف انجینئرنگ اینڈ ٹکنالوجی کی منظوری

انہوں نے سوشیل میڈیا کے اہم پلیٹ فارم ایکس پر اس سلسلہ میں ایک ٹوئیٹ کرتے ہوئے پوچھا کہ آئی ٹی کی ٹیموں کی جانب سے بی جے پی اورریاست کی حکمران جماعت بی آرایس کے امیدواروں کے مکانات پر چھاپے کیوں نہیں مارے جاتے؟

انہوں نے کہاکہ گذشتہ روز پارٹی امیدوار ٹی ناگیشورراو اور آج پی سدھاکرریڈی کے مکانات پر چھاپے مارے گئے۔انہوں نے دعوی کیا کہ وزیراعظم مودی خوفزدہ ہیں کیونکہ ریاست میں کانگریس کی سونامی آنے والی ہے۔یہ چھاپے دراصل اس سونامی کوروکنے کی سازش ہے۔

 انہوں نے کہاکہ وہ اس کارروائی کی شدید مذمت کرتے ہیں۔انہوں نے کہاکہ کانگریس کی سونامی میں کار(بی آرایس کا انتخابی نشان) اور کمل(بی جے پی کا انتخابی نشان) بہہ جائیں گے۔