کرناٹک

طالبہ کی ہاسٹل میں مشتبہ موت، والدین کا جنسی ہراسانی کا الزام

لنگاساگر ٹاؤن میں واقع ہاسٹل کے کمرے میں ایک 17سالہ طالبہ پُراسرار حالات میں مردہ پائی گئی۔

رائچور: لنگاساگر ٹاؤن میں واقع ہاسٹل کے کمرے میں ایک 17سالہ طالبہ پُراسرار حالات میں مردہ پائی گئی۔

متعلقہ خبریں
آلودہ پانی کے استعمال سے ہاسٹل میں کئی طالبات بیمار
نابالغ لڑکی کا استحصال اور بلیک میل کرنے والا پڑوسی نوجوان گرفتار
خاتون پہلوانوں کو جنسی ہراسانی، ایف آئی آر درج کرنے دہلی پولیس کا تیقن
خاتون ریسلرس کے الزامات پر دہلی پولیس کمشنر سے رپورٹ طلب

پولیس کے مطابق سر ایم وسویسوریا پری یونیورسٹی کالج میں زیرتعلیم لڑکی کے والدین نے الزام عائد کیا کہ پرنسپل نے مبینہ طور پر اس کی جنسی ہراسانی کی، قتل کیا اور بعد ازاں اسے خودکشی دکھانے کی کوشش کی۔

متوفی لڑکی کی شناخت 11ویں جماعت کی طالبہ ایشوریہ کی حیثیت سے کی گئی۔ جمعہ کی رات وہ مردہ پائی گئی۔

لڑکی کے والدین اور رشتہ داروں نے پرنسپل رمیش کو اس کی موت کا ذمہ دار ٹھہراتے ہوئے ہفتہ کو کالج میں داخل ہونے کی کوشش کی۔

انہوں نے یہ دعویٰ بھی کیا کہ پرنسپل اسے بار بار فون کرتا تھا۔ لنگاساگورو پولیس اسٹیشن میں پرنسپل کے خلاف کیس درج کرلیا گیا۔ تحقیقات جاری ہے۔