کالیشورم پراجکٹ خطرے میں ہے:کشن ریڈی

حیدرآباد: تلنگانہ بی جے پی کے صدر ومرکزی وزیر کشن ریڈی نے الزام لگایا کہ کالیشورم پراجکٹ خطرے میں ہے۔

انہوں نے رکن پارلیمنٹ لکشمن، ارکان اسمبلی ای راجندر اور رگھونندن راؤ کے ساتھ میڈی گڈہ بیراج کا معائنہ کیا۔ وہ بیگم پیٹ ایرپورٹ سے خصوصی ہیلی کاپٹر کے ذریعہ میڈی گڈہ پہنچے۔

اس موقع پر کشن ریڈی نے میڈیا سے بات کرتے ہوئے کہا کہ کالیشورم پراجکٹ کا مستقبل مشکوک ہو گیا ہے۔ یہ ایک قومی اثاثی ہے جسے عوامی ٹیکسوں سے بنایا گیا ہے۔

ریاست کے عوام اس حکومت کی طرف سے شروع کیے گئے منصوبوں اور پالیسیوں پر تشویش کا اظہار کر رہے ہیں۔ اس پراجکٹ کی حفاظت کرنا ہماری ذمہ داری ہے۔

ڈیم سیفٹی اتھارٹی نے منہدم ہونے والے علاقہ کو مکمل طور پر ہٹانے کے لیے رپورٹ دی ہے۔