کھڑگے نے پارٹی کی مہاراشٹر یونٹ کے ساتھ میٹنگ کی
راہول گاندھی نے ایک سوشل میڈیا پوسٹ میں لکھاکہ "آج کانگریس صدر ملکارجن کھڑگے جی کی قیادت میں مہاراشٹر کانگریس کے رہنماؤں کے ساتھ ایک میٹنگ ہوئی۔
نئی دہلی: کانگریس صدر ملکارجن کھڑگے نے منگل کو یہاں مہاراشٹر ریاستی یونٹ کے لیڈروں کے ساتھ میٹنگ کی۔ پارٹی ہیڈکوارٹر میں ہوئی میٹنگ میں کانگریس کے سابق صدر راہول گاندھی بھی موجود تھے۔
ذرائع کے مطابق میٹنگ کے دوران کھڑگے نے مہاراشٹر میں پارٹی کو مضبوط بنانے اور ریاست میں حالیہ سیاسی پیش رفت پر تبادلہ خیال کیا۔ انہوں نے کہاکہ ‘بی جے پی نے اپنی ‘واشنگ مشین’ کا استعمال کرکے مہاراشٹر کی عزت نفس کو ٹھیس پہنچانے کا کام کیا ہے۔ کانگریس اس سیاسی دھوکہ دہی کا منہ توڑ جواب دے گی۔ ہم مہاراشٹر اور کانگریس کے شاندار رشتے کو مزید مضبوط کریں گے۔
دریں اثنا، گاندھی نے ایک سوشل میڈیا پوسٹ میں لکھاکہ "آج کانگریس صدر ملکارجن کھڑگے جی کی قیادت میں مہاراشٹر کانگریس کے رہنماؤں کے ساتھ ایک میٹنگ ہوئی۔ مہاراشٹر کانگریس کا گڑھ ہے اور ہماری توجہ عوام کی آواز کے ساتھ پارٹی کو مضبوط کرنے پر مرکوز ہے۔
