کائیٹ اینڈ سوئٹ فیسٹیول، مختلف ریاستوں کی مٹھائیاں رکھی گئیں

حیدرآباد: تلنگانہ کے سکندرآباد کے پریڈ گراونڈس پر جاری کائیٹ اینڈ سوئیٹ فیسٹیول کے آخری دن دوران عوام کا ہجوم دیکھا گیا۔ منفرد سوئیٹ فیسٹیول میں تقریبا ایک ہزا ر اقسا م کی مٹھائیاں رکھی گئی ہیں۔

فیسٹیول کے دوران پایاسم، قلاقند، کھیر، حلوہ، لڈو کے ساتھ ساتھ دیگر اقسام کی مٹھائیوں کی فروخت کی جارہی ہے۔

مختلف ریاستوں کی 40سے زائد ایسوسی ایشنس کی جانب سے اسٹالس لگائے گئے ہیں جن کی مٹھائیاں شہریوں کو راغب کر رہی ہیں۔ ریاستی حکومت کا مقصد اس فیسٹیول کے ذریعہ عوام کو قریب تر کرنا ہے۔

حیدرآباد میں دیگر ریاستوں کے ہزاروں افراد رہتے ہیں، ان کو ان کے گھر کا احساس دلانے کے لئے یہ سوئٹ فیسٹول منعقد کیا گیا ہے۔اس فیسٹیول میں شہر حیدرآباد میں مقیم بیرونی ریاستوں اور شہروں کے افراد نے اس فیسٹیول میں شرکت کی۔ فوڈ کورٹس کے اسٹالس بھی لگائے گئے ہیں۔