کوہلی نے بابراعظم کی خواہش پوری کردی
کوہلی نے انہیں اپنی دستخط شدہ جرسی تحفے میں دی۔ اس کی ویڈیو اب سوشل میڈیا پر وائرل ہورہی ہے جس میں کنگ کوہلی بابراعظم کو اپنی جرسی تحفے میں دیتے نظر آرہے ہیں۔
احمدآباد: ہندوستانی ٹیم کے اسٹار بلے باز ویراٹ کوہلی اور پاکستانی ٹیم کے کپتان بابر اعظم کا ہمیشہ ایک دوسرے سے موازنہ کیا جاتا ہے۔ پاکستانی شائقین بابر کی تعریفیں کرتے ہیں جبکہ ہندوستانی شائقین کوہلی کو دنیا کا بہترین بلے باز قرار دیتے ہیں۔
ورلڈکپ 2023 میں ہائی وولٹیج انڈیا پاکستان میچ میں انڈیا کی تاریخی جیت کے بعد کنگ کوہلی اور بابراعظم کی ایک ویڈیو کافی ٹرینڈ کر رہی ہے۔ ٹیم انڈیا کے ہاتھوں 7 وکٹوں کی شکست کے بعد پاکستانی ٹیم کے کپتان بابراعظم نے میدان کے درمیان ویراٹ کوہلی سے ایک خاص چیز مانگی جسے دینے سے کنگ کوہلی خود کو نہ روک سکے اور بابراعظم نے کچھ خاص مانگ لیا۔
اس کی خواہش پوری کرتے ہوئے کوہلی نے انہیں اپنی دستخط شدہ جرسی تحفے میں دی۔ اس کی ویڈیو اب سوشل میڈیا پر وائرل ہورہی ہے جس میں کنگ کوہلی بابراعظم کو اپنی جرسی تحفے میں دیتے نظر آرہے ہیں۔
کنگ کوہلی کی سخاوت دیکھ کر شائقین بے حد خوش ہوگئے ہیں۔ واضح رہے کہ ہند۔پاک میچ میں روہت شرما کی قیادت میں ٹیم انڈیا نے اس ورلڈ کپ میں مسلسل تیسری جیت حاصل کی جبکہ یہ ورلڈکپ 2023 میں پاکستان کی پہلی شکست تھی۔
