کے ٹی آر ورنگل میں کاکتیہ میگا ٹیکسٹائل پارک کا افتتاح کریں گے

حیدرآباد: تلنگانہ کے وزیر آئی ٹی تارک رامار اؤ اس ماہ کی 17 تاریخ کو کاکتیہ میگاٹکسٹائل پارک کا ورنگل میں افتتاح کریں گے۔ اس یونٹ سے روزگار کے مواقع میں بتدریج اضافہ ہوگاکیونکہ ریاستی حکومت اس پارک کے پارچہ جات کی اکائیوں میں قیام کے لئے بڑی کمپنیوں کو راغب کرنے کی کوششیں جاری رکھے ہوئے ہیں۔

 جنوبی کوریا کی پارچہ جات کی بڑی کمپنی ینگ ون کارپوریشن نے بھی اس سلسلہ میں دلچسپی کااظہار کیا ہے۔ جس کے بعد تلنگانہ اسٹیٹ انڈسٹرئیل انفرااسٹرکچر کارپوریشن نے اس کمپنی کے لئے 298 ایکر اراضی الاٹ کی ہے۔

 یہ کمپنی اس پراجکٹ میں 840کروڑ روپے کی سرمایہ کاری کا منصوبہ رکھتی ہے جس سے توقع ہے کہ 11 ہزار 700 افراد کو راست ملازمتیں حاصل ہوں گی۔