اندرا پارک تا وی ایس ٹی اسٹیل برج کا کے ٹی آر کریں گے افتتاح

حیدرآباد: ریاستی وزیر بلدی نظم ونسق کے ٹی راما راؤ 19 اگست کو آر ٹی سی چوراہا تا اشوک نگر اور وی ایس ٹی جنکشن پر تعمیر کردہ اسٹیل برج کا افتتاح انجام دیں گے۔

 چیف منسٹر کے چندر شیکھر راؤ نے اس برج کو سابق وزیر داخلہ آنجہانی این نرسمہا ریڈی کے نام سے موسوم کرنے کی ہدایت دی ہے۔ این نرسمہا ریڈی جنہوں نے مشیرآباد حلقہ اسمبلی سے نمائندگی کی تھی۔

 تلنگانہ کے قیام کے بعد وہ ریاست کے پہلے وزیر داخلہ کی حیثیت سے نمایاں خدمات انجام دے چکے ہیں۔ اسٹیل برج کے افتتاح کے بعد اس علاقہ میں ٹرافک کا مسئلہ حل ہوجائے گا۔

 اندرا پارک تا وی ایس ٹی چوراہے تک تعمیر کردہ اسٹیل برج انجینئرنگ کا شاہکار ہے۔ 2.63 کیلو میٹر طویل اس برج کی مجموعی لاگت 450 کروڑ روپے ہے۔