کے ٹی آر کے دورہ پرانے شہر نے عوام کو حیران کردیا

حیدرآباد: مصروف ترین انتخابی مہم چلانے میں مشغول کے ٹی راما راؤ کچھ وقت نکال کر رائے دہندوں سے رابطہ قائم کرنے میں کامیاب دکھائے دے رہے ہیں۔

کے ٹی راما راؤ نے روایتی انتخابی جلسوں، روڈ شوز سے الگ طریقہ اختیار کرتے ہوئے عوامی مقامات (ہوٹل، آئس کریم پارلرس) پہنچ کر حیدرآباد کے عوام سے ملاقات کی۔

گزشتہ شب کے ٹی آر شاداب ہوٹل مدینہ سرکل پہنچ کر بریانی کے ذائقہ سے محظوظ ہوئے اور ہوٹل میں موجود عوام سے کچھ دیر کے لئے سیاسی امور پر بات چیت کی۔

اس کے بعد کے ٹی راماراؤ نے معظم جاہی مارکٹ روانہ ہوگئے، جو رات کے وقت آئس کریم کی فروخت کے لئے مشہور ہے۔ راؤ نے یہاں بھی عوام سے ملاقات کی۔

کے ٹی راماراؤ نے سماجی پلاٹ فام ایکس پر تحریر کیا کہ میں نے حیدرآباد کے مشہور تفریحی و غذائی مراکز کا اچانک دورہ کیا،میرا حیدرآباد عوام کے ساتھ بہترین وقت گزرا۔

ایسا پہلی بار نہیں ہے کہ کے ٹی راماراؤ اچانک کسی مشہور مقام پہنچ گئے اور عوام سے ملاقات کی۔ 12 نومبر کو کے ٹی آر نے نیلوفر کیفے پہنچ کر ایرانی چائے نوشی کرتے ہوئے عوام سے ملاقات کی تھی۔