بہادرپورہ میں ناجائز تعلقات کے شبہ میں شوہر کے ہاتھوں بیوی کا قتل

حیدرآباد: شہر کے بہادرپورہ پولیس اسٹیشن کے حدود میں ایک خاتون کے قتل کا واقعہ پیش آیا۔

پولیس کے مطابق 40 سالہ سونی عرف انیتا ساکن میلاردیوپلی کی شادی 10 سال قبل تلجپا کے ساتھ انجام پائی تھی تاہم شوہر کو شک تھا کہ اس کی بیوی کے دوسرے شخص سے ناجائز تعلقات ہیں۔

پولیس نے شبہ ظاہر کیا کہ شوہر نے ہی بیوی کو موت کے گھاٹ ا تارا ہے۔

خاتون کی نعش، پرانا پل کے قبرستان کے قریب پائی گئی۔

جسم پر جلنے کے کئی سنگین زخم بھی دیکھئے گئے۔ بتایاجاتا ہے کہ پولیس نے ملزم کو حراست میں لے لیا ہے۔ انسپکٹر بہادرپورہ اے سدھاکر نے یہ بات بتائی۔