لیہہ واقعہ، تلنگانہ کے فوجی کی آخری رسومات

حیدرآباد: لیہہ میں کھائی میں بس کے گرنے کے حادثہ میں ہلاک تلنگانہ کے فوجی جوان چندرشیکھر کی آخری رسومات کل شب ضلع میدک کے اس کے آبائی مقام پر انجام دے دی گئی۔

قبل ازیں اس کی لاش حیدرآباد لائی گئی۔

حکیم پیٹ ایرفورس اسٹیشن سے یہ لاش اس کے آبائی مقام منتقل کی گئی جہاں پر مقامی عوام، رشتہ داروں کے ساتھ ساتھ فوجی عہدیداروں نے اس کو بھرپور خراج پیش کیا۔

بعد ازاں فوجی اعزازات کے ساتھ اس کی آخری رسومات انجام دے دی گئیں۔