ضلع میدک میں تیندوے۔مقامی افراد میں خوف

حیدرآباد: تلنگانہ کے ضلع میدک میں واقع گاؤں گنڈریڈی پلی کے مضافات میں دو تیندوے نظرآنے جس سے مقامی افراد میں خوف دیکھاگیا۔

یہ تیندوے ملکا پور جانے والی سڑک کے قریب ایک پہاڑی پر دیکھے گئے۔ وہاں سے گزرنے والے بعض نوجوانوں نے ان کو دیکھتے ہی اپنے موبائل فونس پر ان کی ویڈیو بنا لی جو اب تیزی سے وائرل ہو رہی ہے۔

واضح رہے کہ اس سے قبل بھی ملکا پور، کونائی پلی اور دھاتر پلی کے قریبی علاقوں میں تیندوا دیکھے جانے کے واقعات پیش آ چکے ہیں جس کی وجہ سے کسانوں اور مقامی افرادمیں مسلسل ڈر کا ماحول ہے۔

علاقہ کے مکینوں نے محکمہ جنگلات کے حکام سے پرزور مطالبہ کیا ہے کہ وہ فوری کارروائی کرے اور ان خطرناک جانوروں کو پکڑ کر محفوظ مقام پر منتقل کرے تاکہ کسی بھی جانی یا مالی نقصان سے بچا جا سکے۔