عاشق چھوڑ کر چلا گیا، شمشان گھاٹ میں لڑکی کی ہلچل

حیدرآباد: شہرحیدرآباد کے پنجہ گٹہ علاقہ میں ایک لڑکی نے ہلچل مچادی۔ کل شب اس نے پنجہ گٹہ شمشان گھاٹ میں تقریبا دو گھنٹوں تک ہنگامہ آرائی کی تھی۔

وہ یہ کہتے ہوئے رورہی تھی کہ اس کا عاشق اس کو چھوڑکر چلا گیا ہے۔ اس نے خودکشی کی بھی دھمکی دی تھی۔ اس لڑکی کی ہنگامہ آرائی اور رونے پر مقامی افراد کی بڑی تعداد وہاں جمع ہوگئی جنہوں نے پولیس کو اس بات کی اطلاع دی۔

اس اطلاع کے ساتھ ہی پولیس وہاں پہنچ گئی۔ پولیس نے لڑکی سے بات چیت کرتے ہوئے اس کو پولیس اسٹیشن منتقل کیا۔

پولیس نے اس سے تفصیلات حاصل کی اور اس کی کونسلنگ بھی کی۔ بعد ازاں لڑکی کواس کے رشتہ داروں کو طلب کرتے ہوئے ان کے حوالے کردیا گیا۔