مہیش بابو کی چیف منسٹر سے ملاقات 50لاکھ کا چیک حوالے

حیدرآباد: تلگو سوپر اسٹار مہیش بابو نے پیر کے روز یہاں چیف منسٹر ریونت ریڈی سے ملاقات کی اور انہوں نے ریاست میں حالیہ شدید بارش اور سیلاب متاثرین کی مدد کے لئے 50لاکھ روپے کا چیک چیف منسٹر کے حوالہ کیا۔

مہیش بابو نے چیف منسٹر ریونت ریڈی سے ان کی قیام گاہ پر ملاقات کی اور چیف منسٹر ریلیف فنڈ میں گرانقدر عطیہ دیا۔

بابو کے ساتھ ان کی اہلیہ و سابق بالی ووڈ اسٹار نمریتا شروڈکر بھی تھیں۔ قبل ازیں انہوں نے کہا تھا کہ سیلاب سے دونوں ریاستیں تلنگانہ اور اے پی متاثر ہوئی ہیں۔

تب میں نے ٹی ایس اور اے پی کے چیف منسٹر ریلیف فنڈ میں 50لاکھ، 50لاکھ عطیہ دینے کا عہد کیا تھا۔