یمن میں تارکین وطن کی کشتی کو حادثہ، 45 افراد ڈوب گئے

صنعا: یمن میں تارکین وطن کی کشتی رات گئے حادثے کا شکار ہوگئی، کشتی اُلٹنے کے باعث 45 افراد سمندر کی لہروں کی نظر ہوگئے۔

غیر ملکی ذرائع ابلاغ کے مطابق اقوام متحدہ کے ہائی کمشنر برائے مہاجرین کا کہنا ہے کہ کشتی الٹنے کا واقعہ یمن کے شہر تائز گورنریٹ کے سمندر میں گزشتہ رات پیش آیا۔

رپورٹس کے مطابق کشتی کو حادثہ تیز ہواؤں اور گنجائش سے زیادہ افراد کے سوار ہونے کی وجہ سے پیش آیا، حادثے کے وقت کشتی میں 45 تارکین وطن سوار تھے۔

رپورٹس کے مطابق کشتی میں سوار 4 افراد کو ریسکیو کرلیا گیا تھا،جبکہ ڈوبنے والے دیگر افراد کا تاحال معلوم نہ ہوسکا اور نہ ہی کشتی کے حوالے سے دیگر معلومات سامنے آئی ہے، ڈوبنے والے افراد کی تلاش کا کام جاری ہے۔